Comments Add Comment

बुढ्यौलीमा मात्र हुन्न मोतियाविन्दुको जोखिम

सामान्यत बुढ्यौली उमेरमा देखिने समस्या हो, मोतियाविन्दु । खासगरी ५० बर्ष उमेर पार गरिसकेपछि यस्तो समस्या देखापर्न सक्छ । हुन त मोतियाविन्दुको एकमात्र कारण बुढ्यौली होइन । चिकित्सकहरुका अनुसार अन्य कारणले पनि मोतियाविन्दु हुनेगर्छ । कसैमा जन्मजात त कसैमा आँखाको चोटपटकले मोतियाविन्दु हुनसक्छ ।

आँखाले रंगहरु फिका देख्छ । धमिलो देख्छ । प्रकाशको आसपासमा गोलो घेरा देख्छ । चहकिलो उज्यालोमा पनि हेर्न नसकिने, राती पनि दृष्टि कमजोर हुने । ठीक यहि अवस्थालाई मोतीबिन्दु भएको भनिन्छ ।

मोतिबिन्दु भएपछि के हुन्छ ? स्वभाविक रुपमा हाम्रो दिनचर्या प्रभावित हुन्छ । आँखाको दृष्टि कजोर भएपछि सामान्य कामकाजमा कठिनाई आउँछ । हामी भने जसरी र चाहे जसरी काम गर्न असमर्थ हुन्छौं । आँखाको नानी वरिपरि देखिने सेतो बादल वा सेतो धब्बा नै मोतियाविन्दु हो । तर, जब आँखामा प्रोटिन एकै ठाउँमा जम्मा भएर बस्छ, तब आँखामा सेतो बादल लाग्ने गर्छ । आँखामा सेतो बादल लागेमा लेन्सले रेटिनामा स्पष्ट चित्र पठाउन सक्दैन । मोतियाविन्दु एउटा आँखा वा  दुवै आँखामा एकपटक हुनसक्छ । तथापी,  मोतियाविन्दुको समस्या दुवै आँखामा एकैपटक हुने सम्भावना न्युन हुने ।

मोतियाविन्दु भएमा आँखाको दृष्टि क्रमस धमिलो हुँदै जान्छ । आँखा दुख्ने, चिलाउने, बिझाउने, स्पष्ट नदेख्ने, पोल्ने जस्ता समस्या भने फरक रहेको चिकित्सकहरु बताउँछन् । मोतियाविन्दुको स्पष्ट संकेत भनेको टाढाका बस्तु हेर्दा बादल लागे जस्तै हुन्छ । यसको समयमै उपचार भएन भने आँखाको दृष्टि गुम्न सक्ने बताइन्छ ।

मोतियाविन्दु हुनुको कारण ?

–लामो समयसम्म स्टेरायड तथा अन्य औषधिको प्रयोग

–मधुमेह लगायतका रोग लागेमा

–धुमपान

–चोटपटक

–घाममा धेरै हेरेमा

–आँखाको शल्यक्रिया गरेमा

–लामो समयसम्म आँखाको समस्या भएमा

मोतियाविन्दुका प्रकार

मोतियाविन्दुको विभिन्न प्रकार हुन्छ । यो आँखामा कसरी विकसित हुन्छ, त्यसमा निर्भर गर्छ । न्यूक्लियर स्क्लेरोटिक मोतियाविन्दु उमेरसँग सम्बन्धित मोेतियाविन्दु हो । आँखाको लेन्स कडा भएमा तथा पहेलो भएमा यस प्रकारको मोतियाविन्दु हुने गर्छ । जति जति यो समस्या बढ्दै जान्छ, आँखाका हेर्ने क्षमतामा कमजोर हुँदै जान्छ । यो मोतियाविन्दु भएमा आँखाको नानी पहेलो वा खैरो हुने गर्छ ।

जन्मजात मोतियाविन्दु अरु मोतियाविन्दुको तुलनामा कम हुन्छ । माध्यामिक मोतियाविन्दु रोग तथा औषधीका कारण हुन्छ । जसमा ग्लूकोमा तथा मधुमेह प्रमुख हुन् । अन्य रोगका कारण पनि कहिलेकाहीँ मोतियाविन्दु हुनसक्छ ।

आँखा सम्बन्धि चोटका कारण पनि मोतियाविन्दु हुनसक्छ । तर चोटपटकका कारण मोतियाविन्दु हुनमा धेरै समय लाग्छ ।

मोतियाविन्दुको जोखिम

–आँखाको चोट

–पारिवारिक इतिहास

–सूर्यको हानीकारक विकिरणले असर गरेमा

–बुढ्यौली

–अत्याधिक मदिराको सेवन

–धुमपान

–मोटोपना

–उच्च रक्तचाप

–मधुमेह

–हानिकारक विकिरणको असर

मोतियाविन्दुको रोकथामका उपाय

–घाममा निस्कदा चश्माको प्रयोग गर्ने । यसले घामका हानीकारक विकिरणबाट आँखालाई सुरक्षा प्रदान गर्छ ।

–नियमित रुपमा आँखाको स्वास्थ्य परीक्षण गर्ने

–धुमपान नगर्ने

–एन्टीअक्सिडेन्टयुक्त फलफुल तथा तरकारीकोे सेवन गर्ने

–वजन नियन्त्रित गर्ने

–मधुमेह नियन्त्रण गर्ने

के छ उपचार ?

यदि मोतिबिन्दु भइसकेको अवस्थामा उपचारको केहि विकल्प अपनाउन सकिन्छ । सामान्य अवस्थामा चस्मा लगाएर पनि यसमा सुधार हुन्छ । कतिपय अवस्थामा भने आँखाको लेन्सको शल्यक्रिया गर्नुपर्ने हुन्छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment