गतबर्षको सुपरहिट चलचित्र ‘छ माया छपक्कै’ युटुबमा पाइरेसी भएको छ । कपिराइट सङअल नामक च्यानलबाट यो चलचित्र शनिबार अपलोड गरिएको छ । यो चलचित्रलाई युटुबमा १ सय भन्दा बढी पटक हेरिएको छ ।
चलचित्र गतबर्ष हलमा रिलिज भएको थियो भने ‘चलचित्र एप’मा पनि यो चलचित्र रिलिज भएको छ । यस्तै, चलचित्रलाई डीस होममा पनि रिलिज गरिएको छ ।
यो चलचित्रको युटुब राइट्स आमा अग्नी कुमारीसँग छ । निर्माता रोहित अधिकारीले चलचित्रको पाइरेसी गर्ने व्यक्तिको खोजी भैरहेको र कानुनी कारवाही गरिने बताए । उनले, प्रहरीमा उजुरी गर्ने समेत जनाएका छन् । निर्माता रोहित अधिकारीले चलचित्र एपबाट यो चलचित्र डाउनलोड गरेर युटुबमा अपलोड गरिएको हुनसक्ने आशंका व्यक्त गरे ।
दिपेन्द्र लामाको निर्देशनमा तयार भएको यो चलचित्रमा दिपकराज गिरी, केदार घिमिरे, जितु नेपाल, केकी अधिकारी लगायतका कलाकारको मुख्य भूमिका छ । युटुबमा पाइरेसी हुँदा ‘चलचित्र एप’ र आमा अग्नी कुमारीलाई बढी घाटा हुने देखिएको छ ।
