२०७७ माघ ५ गते ८:२७ 
५ माघ, काठमाडौं । इटालियन सिरी ए अन्तर्गत आइतबार भएको खेलमा नापोलीले फियोरेन्टिनालाई ६-० ले पराजित गरेको छ । घरेलु मैदानमा फराकिलो जितपछि नापोली अंक तालिकामा तेस्रो स्थानमा उक्लेको छ ।
डिएगो अर्मान्डो म्याराडोना स्टेडियममा भएको खेलमा नापोलीका लागि लरेन्जो इनसिग्नेले दुई गोल गरे भने डिएगो सिमिओनी हिर्भिङ लोजानो पिओर जिलेन्स्की र माटेओ पोलिटानोले एक-एक गोल गरे ।
पहिलो हाफमै चार गोल गरेको नापोलीले दोस्रो हाफमा दुई गोल थपेको हो ।
खेलको पाँचौ मिनेटमै इनसिग्नेले गोल गर्दै अग्रता दिलाएका थिए । सिमिओनीले ३६औं, लोजानोले ३८औं र जिलेन्स्कीले ४५औं मिनेटमा गोल गरेपछि नापोलीले पहिलो हाफमा ४-० को अग्रता बनायो । इनसिग्नेले ७२औं मिनेटमा पेनाल्टीमा गोल गरे भने ८९औं मिनेटमा पोलिटानोले टिमको लागि छैटौं गोल गरे ।
जितपछि १७ खेलबाट ३४ अंक जोड्दै नापोली तेस्रो स्थानमा उक्लेको हो । समान अंक भए पनि नापोलीले रोमालाई गोल अन्तरमा पछि पारेको छ । रोमाले १८ खेल खेल्दै ३४ अंक जोडेको छ ।
प्रतिक्रिया 4