२७ माघ, काठमाडौं । विभागीय टोली नेपाल पुलिस क्लबले राष्ट्रिय महिला फुटबल लिगमा मोरङको विराटनगर महानगरपालिकालाई ३-० ले पराजित गरेको छ ।
पहिलो चरणमा विराटनगरसंग १-० ले पराजित भएको पुलिसले दोस्रो चरणको खेलमा त्यसको बदला लियो ।
सातदोबाटोस्थित एन्फा कम्प्लेक्समा मंगलबार भएको खेलमा पुलिसलाई जित दिलाउन कप्तान निरु थापाले दुई गोल गरिन् । यस्तै निर्मला उपाध्यायले एक गोल गरिन् ।
४१ औं मिनेटमा निर्मलाले पुलिसलाई अग्रता दिलाइन् । निरुले ५७ औं र ६० औं मिनेटमा गोल गरिन् ।
जितपछि ८ खेलबाट ११ अंक जोडेको पुलिस चौथो स्थानमा उक्लेको छ । वालिङको पनि ११ अंक नै छ । तर हेड टु हेडको आधारमा वालिङ तेस्रो स्थानमा छ ।
समान खेलबाट १० अंङ्कसहित विराटनगर पाँचौं स्थानमा छ ।
