७ फागुन, काठमाडौं । भुटानमा प्रधानन्यायाधीश र सेनाका शीर्ष अधिकारीलाई हटाउने षडयन्त्र गरेको आरोपमा दुई न्यायाधीश र एक शीर्ष जनरल पक्राउ परेका छन् । अन्तर्राष्ट्रिय समाचार संस्था एएफपीका अनुसार पूर्व शाही बडीगार्ड कमाण्डेन्ट ब्रिगेडर थिंग्ले तोब्गे, सर्वोच्च अदालतका न्यायाधीश कुन्ली क्षिरिङ र उच्च अदलतका न्यायधीश याशी दोर्जेलाई हिरासतमा लिइएको हो । उनीहरुलाई घरबाट हिरासतमा लिएपछि अदालतमा उपस्थित गराइएको छ ।
उनीहरु तीनैजनालाई भुटानका शीर्ष सैन्य अधिकारी लेफ्टिनेन्ट जनरल बाटू क्षिरिङलाई भ्रष्टाचारको मुद्दामा फसाउँदै हटाउने प्रयास गरेको आरोप लगाइएको छ । थिम्पुको जिल्ला अदालतले उनीहरुलाई तीनैजनालाई जमानत दिन अस्वीकार गरेको छ । साथै उनीहरुलाई फेब्रुअरी २७ सम्म हिरासतमा राख्न निर्देशन दिएको छ ।
सञ्चारमाध्यमहरुका अनुसार तोब्गेमाथि अवैधरुपमा सैन्य कागजातहरु लिएको आरोप छ । केही महिनाअघि पक्राउ परेकी महिलाको बयानको आधारमा उनीहरुको षडयन्त्र खुलेको बताइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4