२०७७ फागुन २४ गते १४:०८ 
२४ फागुन, गोरखा । १११ औ अन्तर्राष्ट्रिय महिला दिवसको अवसरमा गोरखा सदरमुकाममा महिला खुल्ला दौड प्रतियोगिता आयोजना गरिएको छ ।
सोमबार भएको महिला खुल्ला दौड प्रतियोगिताको उपाधि पवित्रा वयलकोटीले जितेकी छन् । निर्धारित दूरी ११ मिनेट ३४ सेकेण्डमा पार गर्दै पवित्रा विजेता बनेकी हुन् । उनले ट्रफी, मेडल र प्रमाणपत्रको साथमा सात हजार रुपैयाँ नगद पुरस्कार प्राप्त गरिन् ।
प्रतियोगितामा नेपाली सेनाकी जैसरा राई दोस्रो र रेनुका राई तेस्रो भए । उनीहरुले निर्धारित दूरी क्रमशः ११ मिनेट ५९ सेकेण्ड र १२ मिनेट १८ सेकेण्डमा पार गरे । उनीहरु रिपु मर्दन गण गोरखामा कार्यरत छन् । प्रतियोगितामा दोस्रो हुनेले ५ हजार र तेस्रो हुनेले ३ हजार रुपैयाँ नगद पुरस्कार प्राप्त गरे ।
गोरखा सदरमुकामको हरमटारी खेल मैदानबाट सुरु भएको दौड बसपार्क, ठूलोआँगन, पाटेचौर, अस्पताल मार्ग हुँदै पुनः खेलमैदानमा आएर टुंगिएको क्लबका अध्यक्ष चिजकुमार श्रेष्ठले बताए ।
प्रतिक्रिया 4