११ चैत, काठमाडौं । नेकपा एमालेको माधवकुमार नेपाल समूहका नेताहरु अन्तरिक छलफलमा जुटेका छन् । पार्टी नेतृत्वले तीन दिनको म्याद दिएर स्पष्टीकरण सोधेपछि वरिष्ठ नेता माधवकुमार नेपाल पक्षका स्थायी कमिटी सदस्यहरु आन्तरिक छलफलमा जुटेका हुन् ।
मनमैजुस्थित एक नेताको घरमा बुधबार विहानबाटै छलफल भइरहेको स्रोतले बताएको छ । छलफलले स्पष्टीकरणको जवाफ तयार पार्नुका साथै आगामी रणनीति समेत बनाउने बताइएको छ ।
अध्यक्ष ओपी शर्मा ओली पक्षका नेताहरु मात्र उपस्थित भएको ७ चैतमा बसेको केन्द्रीय कमिटी बैठकले वरिष्ठ नेता नेपालसँगै भीम रावल, घनश्याम भुसाल र सुरेन्द्र पाण्डेलाई स्पष्टीकरण सोध्ने निर्णय गरेको थियो । त्यसअनुसार सोमबार महासचिव ईश्वर पोखरेलले स्पष्टीकरण सोध्दै पत्र पठाएका थिए ।
