१२ चैत, काठमाडौं । बीमा प्राधिकरणमा रुपान्तरण हुँदा बीमा समितिका सञ्चालक र अध्यक्ष स्वतः प्राधिकरणको सञ्चालक र अध्यक्ष हुने भएका छन् ।
प्रतिनिधिसभाको अर्थ समितिको बिहीबारको बैठकमा बीमासम्बन्धी कानूनलाई संशोधन र एकीकरण गर्न बनेको विधेयकको दफावार छलफलमा बीमा समितिका सञ्चालक, अध्यक्ष र कर्मचारी स्वतः प्राधिकरणको सञ्चालक, अध्यक्ष र कर्मचारी रहने व्यवस्थामा सहमति जुटेको हो ।
यसअघि कर्मचारी मात्रै प्राधिकरणमा रहने तर सञ्चालक तथा अध्यक्ष पुनः नियुक्ति गर्ने व्यवस्था गर्न खोजिएको थियो ।
बिहीबारको छलफलमा अर्थ मन्त्रालयका राजस्व सचिव रामशरण पुडासैनीले बीमा समितिका सञ्चालक, अध्यक्ष र कर्मचारी सबै स्वतः आफ्नो कार्यकालभर प्राधिकरणमा काम गर्न पाउने व्यवस्था गर्नुपर्ने बताए । उनका अनुसार सोही कुरामा सहमति जुटेको छ ।
यसअघि तत्कालीन अर्थमन्त्री डा. युवराज खतिवडाले बीमा समितिका कर्मचारीलाई मात्रै बीमा प्राधिकरणमा लैजान सकिने र सञ्चालक तथा अध्यक्ष पुनः नियुक्ति गर्ने व्यवस्था कायम गर्न अडान लिंदै आएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4