Comments Add Comment

अग्रता जोगाउन नसक्दा बार्सिलोना घरमै ग्रानडासँग पराजित

१७ वैशाख, काठमाडौं । ग्रानडासँग घरेलु मैदानमै पराजित भएपछि बार्सिलोनाले स्पानिस ला लिगाको अंक तालिकामा शीर्ष स्थानमा उक्लने मौका गुमाएको छ । साथै उपाधि होडमा समेत धक्का लागेको छ ।

घरेलु मैदानमा पहिले गोल गर्दै अग्रता लिए पनि दोस्रो हाफमा दुई गोल व्यहोर्दै बार्सिलोना ग्रानडासँग २-१ ले पराजित भयो ।

कप्तान लिओनल मेसीले २३औं मिनेटमा गोल गर्दै बार्सिलोनालाई पहिले अग्रता दिलाएका थिए । पहिलो हाफमा बार्सिलोनालाले अग्रता कायम रहे पनि दोस्रो हाफमा ग्रानडाले उत्कृष्ट पुनरागमन गर्‍यो । ग्रानडाका लागि ६३औं मिनेटमा डार्विन माचिसले बराबरी गोल फर्काए भने ७९औं मिनेटमा जोर्ग मोनिलाले विजयी गोल गरे ।

हारपछि ३३ खेलबाट ७१ अंकसहित बार्सिलोना तेस्रो स्थानमै छ । ग्रानडालाई पराजित गरेको भए बार्सिलोना एट्लेटिको मड्रिडलाई एक अंकले पछि पार्दै शीर्ष स्थानमा उक्लने थियो तर हारले त्यो अवसर गुमेको छ ।

ग्रानडा ३३ खेलबाट ४५ अंकसहित आठौं स्थानमा छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment