२०७८ असार ६ गते ७:२७ 
६ असार, काठमाडौं । पोल्याण्डका क्यास्पर कोलोस्की युरोकप फुटबल खेल्ने सबैभन्दा कान्छा खेलाडी बनेका छन् । युरोकपको ११ देशमा आयोजना भइरहेको १६औं संस्करण अन्तर्गत शनिबार राति भएको स्पेन विरुद्धको खेल खेल्दै उनले कीर्तिमान बनाएका हुन् ।
५५औं मिनेटमा माथेउज क्लिजको स्थानमा वैकल्पिक खेलाडीको रुपमा मैदान प्रवेश गर्दा उनको उमेर १७ वर्ष २४६ दिन थियो ।
एक साता अघि मात्रै इंग्ल्याण्डका जुड बेलिङहमले युरोकप खल्ने कान्छा खेलाडीको कीर्तिमान बनाएका थिए ।
तर एक सातामै क्यास्पर त्यो कीर्तिमनन तोडे । क्यास्पर यस युरोकपको सबैभन्दा कान्छा खेलाडीसमेत हुन् ।
बेलिङहमल १७ वर्ष ३४९ दिन हुँदा क्रोएसियाविरुद्ध वैकल्पिक खेलाडीको रुपमा खेल्दै त्यो कीर्तिमान बनाएका थिए । उनले नेदरल्याड्सका जेट्रो विलेम्सको कीर्तिमान तोडेका थिए ।
प्रतिक्रिया 4