२५ असार, काठमाडौं । संरक्षित वन्यजन्तुको आखेटोपहारसहित प्रहरीले काठमाडौंको बौद्धबाट दुई जनालाई पक्राउ गरेको छ । पक्राउ पर्नेमा काठमाडौं महानगरपालिका–६ का २८ वर्षीय सविन तामाङ र रामेछापको लिखु गाउँपालिका–५ नागदह घर भई भक्तपुरको पुरानो ठिमी बस्ने २६ वर्षीय हितबहादुर मगर छन् ।
संरक्षित वन्यजन्तुको एक थान छाला र सालकको एक थान खपटा अवैध रुपमा ओसारपसार तथा बेचबिखन गर्न लागेको भन्ने सूचनाको आधारमा उनीहरुलाई पक्राउ गरिएको नेपाल प्रहरीको केन्द्रीय अनुसन्धान ब्युरोका प्रहरी उपरीक्षक श्यामकुमार महतोले जानकारी दिए ।
पक्राउ परेका दुवै जनालाई आवश्यक कानूनी कारबाहीका लागि डिभिजन वन कार्यालय, हात्तीसारमा पेश गरिने उनले बताए ।
