२०७८ साउन ७ गते ११:०१ 
७ साउन, काठमाडौं । नयाँ खेलाडीहरुलाई डेब्युको अवसर दिएको प्रि-सिजन अन्तर्गतको मैत्रीपूर्ण खेलमा बार्सिलोनाले सहज जित हासिल गरेको छ ।
रे मानाजको ह्याट्रिकमा बार्सिलोनाले बुधबार राति भएको खेलमा तेस्रो डिभिजन क्लब जिम्नास्टिकलाई ४-० ले पराजित गरेको हो ।
बार्साका लागि अर्को गोल एलेक्स कोलाडोले गरे ।
खेलको ३८औं मिनेटमा एलेक्सले रातो कार्ड पाएपछि जिम्नास्टिक १० खेलाडीमा समेटिएको थियो । तर पहिलो हाफमा बार्साले गोल गर्न सकेन ।
दोस्रो हाफमा वैकल्पिक खेलाडीको रुपमा मैदान प्रपेश गरेका मानाज चम्किदा बार्सिलोनाले फराकिलो जित निकाल्यो ।
६०औं मिनेटमा मानाजले गोल गर्दै बार्सिलोनालाई अग्रता दिलाए । ८५औं मिनेटमा एलेक्सले गोल गर्दै बार्सिलोनाको अग्रता दोब्बर बनाए ।
त्यसपछि मानाजले ८६औं र ९०औं मिनेटमा गोल गर्दै ह्याट्रिक पूरा गरे ।
प्रतिक्रिया 4