१० साउन, काठमाडौं । दुई पटकका ओलम्पिक च्याम्पियन तेक्वान्दो खेलाडी जाड जोन्स टोकियो ओलम्पिक २०२० को पहिलो चरणबाटै बाहिरिएकी छन् । जापानमा जारी ओलम्पिकमा बेलायतकी जोन्स रिफ्युजी ओलम्पिक टिमकी किमिय अलिजादेहसँग पराजित भइन् ।
लगातार तीन पटक ओलम्पिक च्याम्पियन बन्ने लक्ष्यमा रहेकी जोन्स एलिजादेहसँग १६–१२ ले पराजित भइन् । एलिजादेहले सन् २०१६ को रियो ओलम्पिकमा कास्य पदक जितेकी थिइन् । यदि एलिजादेह फाइनल पुगेमा जोन्सले रिपेचमा प्रतिस्पर्धा गर्ने अवसर पाउनेछिन् ।
एलिजादेहसँगको पराजय जोन्सका लागि स्तब्धपूर्ण नतिजा नै बन्यो ।
