Comments Add Comment

जीवन विकास लघुवित्तको सेयर एक घण्टामा ७० कित्ता किनबेच

१४ साउन, काठमाडौं । जीवन विकास लघुवित्त वित्तीय संस्थाको साधारण सेयर (आईपीओ) सूचीकृत पश्चात बिहीबार पहिलो कारोबार भएको छ । यस संस्थाको ६० लाख ८४ हजार कित्ता आईपीओ बुधबार सूचीकृत भएको थियो ।

नेपाल स्टक एक्सचेञ्जले जीवन विकासलाई न्युनतम् ३०५ रुपैयाँ २७ पैसा देखि अधिकतम ९१५ रुपैयाँ ८१ पैसा मूल्य तोकेको थियो । तोकिएको अधिकतम मूल्यबाटै कारोबार खुला भयो ।

तर कारोबार खुला भएको पहिलो दिन नै यस कम्पनीको सेयर मूल्य केहीबेर घटेको थियो । बजार खुलेको १ घण्टासम्म जीवन विकासको ७० कित्ता सेयर किनबेच भएको छ ।

७ जनाले १०–१० कित्ता आईपीओ बिहीबार बिक्री गरेका हुन् । १२ बजेसम्म सबैभन्दा महंगोमा ९६९ रुपैयाँमा खरिदबिक्री भएको छ भने सस्तोमा ८९० रुपैयाँका दरले किनबेच भएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment