रंगभेदी दुर्व्यवहारपछि जाहाले भने- म सधैं कालो हुँ र यसमा गर्व गर्छु

१४ कात्तिक, काठमाडौं । क्रिस्टल प्यालेसका विंगर विलफ्रेड जाहामाथि रंगभेदी दुर्व्यवहार भएको छ । शनिबार भएको खेलमा क्रिस्टल प्यालेसले म्यानचेस्टर सिटीलाई २-० गोलअन्तरले हराएपछि जाहामाथि रंगभेदी दुर्व्यवहार भएको हो ।

खेललगत्तै जाहालाई इन्स्टाग्राममा कैयौं रंगभेदी सन्देश पठाइएको थियो । आफूमाथि दुर्व्यवहार भएपछि जाहाले रंगभेदलाई गम्भीर रुपमा लिन अधिकारीहरूसमक्ष आग्रह गरेका छन् । सहानुभूतिको साटो आफूले कदम चालेको हेर्न चाहेको उनको भनाइ छ ।

इन्स्टाग्राममा रंगभेदी सन्देशको स्क्रिनशट पोष्ट गर्दै जाहाले भनेका छन्, ‘यो हामी तपाईँको साथमा छौं भनेर भनेर लेखिएको सन्देश होइन र यो घृणित छ वा मैले सहानुभूति पाउने कुरासँग जोडिएको छ ।’

‘वास्तविक समस्या हल गर्नुको साटो भइरहेको सबै बकवासका लागि यो पोष्ट गरेको होइन,’ उनको इन्स्टाग्राममा लेखिएको छ, ‘मैले दुर्व्यवहारलाई खासै मतलब गर्दिनँ र यसलाई बहाना बनाइनु हुन्न किनभने मैले गर्ने कामसँगै यस्तो हुने गर्छ । तर मेरो रंग/वर्ण सधैं वास्तविक समस्या बन्ने छ र म सधैं कालो हुँ र यसमा गर्व गर्छु ।’

क्रिस्टलको जीतमा जाहाले शुरुवाती गोल गरेका थिए ।