१७ कात्तिक, काठमाडौं । नयाँ प्रशिक्षकको खोजीमा रहेको स्पेनिस क्लब बार्सिलोनाले दोहामा जाभी हर्नान्डेज र क्लब अल सदासँग सम्वाद थालेको छ ।
मुख्य प्रशिक्षक रोनाल्ड कोम्यानलाई बर्खास्त गरेको बार्सिलोनाले बी टिम सम्हालिरहेका सार्गी बार्जुआनलाई अन्तरिम प्रशिक्षक बनाएको छ ।
क्लब पदाधिकारीहरुले पूर्व खेलाडी समेत रहेका जाभीलाई प्रशिक्षकमा अनुबन्ध गर्न चाहेका छन् । जाभी पनि त्यसप्रति सकारात्मक छन् । तर कतारी क्लब अल सदासँग जाभीको सम्झौता सकिएको छैन ।
स्पेनिस अनलाइन मार्काका अनुसार जाभी र अल सदाका अधिकारीहरुसँग छलफल गर्न दोहा पुगेको टोलीमा बार्सिलोनाका अध्यक्ष युहान लापोर्टा भने छैनन् । त्यसैले तत्काल सहमति हुनेमा आशंका गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4