२२ कात्तिक, काठमाडौं । विवेकशील साझा पार्टीले बागमती प्रदेशका मुख्यमन्त्री राजेन्द्र पाण्डेलाई विश्वासको मत नदिने भएको छ ।
आइतबार बसेको संसदीय दलको बैठकले मुख्यमन्त्री पाण्डेले प्रदेशसभामा प्रस्तुत गरेको विश्वासको मतसम्बन्धी प्रस्तावको विपक्षमा मतदान गर्ने निर्णय गरेको संसदीय दलका नेता रमेश पौड्यालले जानकारी दिए ।
कात्तिक ११ गते मुख्यमन्त्री नियुक्त भएका पाण्डेले सोमबार प्रदेशसभामा विश्वासको मत लिँदैछन् । बागमती प्रदेशसभामा विवेकशील साझा पार्टीका ३ जना प्रदेशसभ सदस्य रहेका छन् ।
विवेकशील साझा पार्टीले प्रदेशका मन्त्रालयहरु फुटाएर ठूलो आकारको मन्त्रिपरिषद बनाउन लागेको भन्दै विरोध जनाएको छ ।
‘भागबन्डाका निमित्त मन्त्रालय फुटाउँदा प्रदेशको प्रशासनिक संरचना नै अस्तव्यस्त हुने र प्रदेश कोषमा अनावश्यक रूपमा व्ययभार थपिन जाने हुँदा बैठकले उक्त कार्य नगर्न सरकार लाई खबरदारी गर्ने समेत निर्णय गरेको छ’ पौडेलले भनेका छन् ।
प्रतिक्रिया 4