News Summary
Generated by OK AI. Editorially reviewed.- लुम्बिनी प्रदेशका प्रमुख कृष्णबहादुर घर्तीमगरले भदौ २३ र २४ का आगजनीका घटनालाई अपराध भन्दै दोषीले उन्मुक्ति पाउन नहुने बताए ।
- उनले राष्ट्रपति भवन, सर्वोच्च अदालत, संसद् भवन, उद्योग–व्यवसाय र निजी घर जलाउनु अपराध हो भन्दै वर्तमान सरकारको रंगढंगमा भर नपर्ने बताए ।
- प्रदेश प्रमुख घर्तीले प्रधानमन्त्री दैवी प्रकोप उद्धार कोषको रकम सदुपयोग र खर्चको पारदर्शीतामाथि शंका व्यक्त गर्दै संसद् जात्रा जस्तो रहेको टिप्पणी गरे ।
३ असोज,बुटवल । लुम्बिनी प्रदेशका प्रमुख कृष्णबहादुर घर्तीमगरले गत वर्षको भदौ २३ र २४ का घटनामा भएका आगजनीका घटनाहरू अपराध भएको बताएका छन् ।
बुटवलमा विद्युतीय व्यवसायी महासंघको साधारणसभालाई सम्बोधन गर्दै उनले त्यो अपराधका दोषीहरुले उन्मुक्ति पाउन नहुने बताए ।
भदौ २४ को आगजनीले उद्योगी व्यवसायीहरु लाई उठ्नै नसक्ने गरी थला पारेको चर्चा गर्दै प्रदेश प्रमुखले त्यही अपराधको जगमा बनेको वर्तमान सरकारको रंगढंग हेर्दा भर पर्न नसकिने समेत बताए ।
‘राष्ट्रपति भवन, सर्वोच्च अदालत, संसद् भवन अनि उद्योग–व्यवसाय र व्यक्तिका निजी घर जलाउनु अपराध हो, ती अपराधीले उन्मुक्ति पाउनुहुंदै’, प्रदेश प्रमुख घर्तीले भने, ‘त्यस्तो अपराधबाट फाइदा लिनेहरु, त्यो फाइदाको मोजमस्ती गर्नेहरु र त्यसैको जगमा बनेको वर्तमान सरकारको रंगढंग हेर्दा आशा त गर्न सकिएला तर भर पर्ने अवस्था छैन ।’
प्रधानमन्त्री दैवी प्रकोप उद्धार कोषमा जम्मा भएको अर्बौं रकमको सही सदुपयोग र खर्चको पारदर्शीता हुन्छ कि हुन्न भन्ने शंका रहेको पनि प्रदेश प्रमुखले औंल्याए ।
बाढी प्रभावितको उद्धारमा हेलिकोप्टर प्रयोग र त्यसको खर्चमाथि पनि प्रदेश प्रमुखले प्रश्नहरु रहेका बताए । उनले अहिलेको संसद् संसद जस्तो नभई जात्रा जस्तो रहेको उनले टिप्प्णी गरे ।
प्रदेश प्रमुख घर्तीले देशको परिस्थिति जटिल रहेको भन्दै सबैले दृष्टिकोण परिवर्तन गर्न जरुरी रहेको बताए । उनले नेपालमा जलविद्युतको राम्रो सम्भावना रहेको भन्दै विद्युतीय व्यवसायीलाई आशावादी बन्न आग्रह गरे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4