३० कात्तिक, काठमाडौं । स्विट्जरल्याण्ड अर्को वर्ष कतारमा हुने फिफा विश्वकपका लागि छनोट हुँदा युरो च्याम्पियन इटलीले भने प्लेअफ खेल्नुपर्ने भएको छ ।
युरोपियन छनोटअन्तर्गत सोमबार राति भएको समूह सी को अन्तिम खेलमा स्विट्जरल्याण्ड बुल्गेरियालाई ४-० ले पराजित गर्दै समूह विजेता बन्यो ।
इटली भने नर्दन आयरल्याण्डसँग गोलरहित बराबरीमा रोकिएपछि दोस्रो स्थानमा रह्यो । छनोटको शीर्ष स्थानमा रहने टिम सिधै विश्वकपमा छनोट हुने छ भने दोस्रो स्थानको टिमले प्लेअफ खेल्नुपर्नेछ ।
युरोपका ठूला टिमहरू मध्ये इटलीसँगै पोर्चुगलले पनि प्लेअफ नै खेल्नुपर्ने भएको छ ।
घरेलु मैदानमा स्विट्जरल्याण्डलाई जित दिलाउन । नोह ओकाफोर, रुबेन भर्गास, सेड्रसिक एट्टेन र रेमो फ्रुलेरले गोल गरे ।
जितपछि स्विट्जरल्यान्डले ८ खेलबाट १८ अंक जोड्यो ।
नर्दन आयरल्याण्डसँग गोलरहित बराबरीमा रोकिएपछि इटाली भने ८ खेलबाट १६ अंकसहित दोस्रो स्थानमा रह्यो ।
प्रतिक्रिया 4