+
+

आमिर र किरणले एकसाथ बसेर मनाए छोराको जन्मदिन

अनलाइनखबर अनलाइनखबर
२०७८ मंसिर १६ गते १७:४०

१६ मंसिर, काठमाडौं । आमिर खान र उनकी पूर्वपत्नी किरण रावले आफ्ना छोरा आजादको जन्मदिन सँगै मनाएका छन् । आजादको १०औं जन्मदिन मनाएको तस्वीर र भिडियो सामाजिक सञ्जालमा भाइरल भइरहेको छ ।

भिडियोमा आमा-बुवाको साथमा बसेर आजादले केट काटिरहेका छन् भने आमिरका जेठा छोरा जुनैद पनि साथमा देखिन्छन् । आमिर र किरणको यो भिडियोमाथि प्रशंसकहरुले थुप्रै कमेन्ट गरेका छन् ।

स्मरण रहोस्, यसै वर्षको जुलाईमा आमिर र किरणले सम्बन्ध विच्छेद गरेका थिए । तर, पनि उनीहरु आफ्ना सन्तानका लागि बेलाबेलामा सँगै उपस्थित हुन्छन् ।

बलिउडका मिस्टर पर्फेक्सनिस्ट भनेर चिनिने आमिर खानको आगामी चलचित्र ‘लालसिंह चड्डा’ आउँदैछ । यो चलचित्र हलिउड चलचित्र ‘द फरेस्ट गम्प’को रिमेक हो । यो चलचित्रमा आमिरका साथमा करिना कपूरको मुख्य भूमिका रहेको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment