+
+

थ्रीस्टार क्लब फ्रेण्ड्ससँग बराबरीमा रोकियो

अनलाइनखबर अनलाइनखबर
२०७८ मंसिर १७ गते १५:५९

१७ मंसिर, काठमाडौं। शहीद स्मारक ए डिभिजन लिगमा थ्री स्टार क्लब र फ्रेन्ड्स क्लबले १-१ गोलको बराबरी खेल्दै अंक बाँडेका छन् ।

दुई ललितपुरे क्लबबीचको रोमाञ्चक खेलमा फ्रेण्ड्सले दोस्रो हाफको सुरुमा गोल गर्दै पहिले अग्रता लिएको थियो । तर थ्री स्टारले अन्तिम सात मिनेटभित्र बराबरी गोल फर्काएको हो ।

त्रिपुरेश्वरस्थित दशरथ रंगशाला भएको खेलको पहिलो हाफ गोलरहित बराबरीमा सकिएको थियो । पहिलो हाफमा दुवै टोलीले केही राम्रा अवसर गुमाएका थिए ।

५० औं मिनेटमा थ्री स्टारका संजोक राईको पासमा ऋतिक कुमार खड्काले फ्रेन्ड्सका गोलकिपर राहुलसँगको वान भर्सेस वानको स्थितिमा गोल गर्न सकेनन् ।

तर ५१ औं मिनेटमा फ्रेन्ड्सले अग्रता लियो । कप्तान प्रकाश बुढाथोकीको क्रसमा फ्रेन्ड्सका नाथनियल जुड ग्रासियाले हेडमार्फत गोल गर्दै अग्रता दिलाए ।

८३ औं मिनेटमा थ्री स्टारका मिक्छेन तामाङले गोल गर्दै खेल बराबरी गरे । फ्रेण्ड्सका खेलाडीले पेनाल्टी बक्समा क्लियर गर्न नसकेको बल मिक्छेनले गोल गरेका थिए ।

यस्तै ८५ औं मिनेटमा थ्री स्टार रितिक कुमार खड्काले पेनाल्टी एरियाभन्दा बाहिरबाट प्रहार गरेको बल फ्रेन्ड्सका डिफेन्डर रोनिल एन्थोनी पाउलले गोललाइनबाट बचाएका थिए ।

बराबरीपछि दुवै टिमले समान १ अंक जोडेका छन् । थ्री स्टार ३ खेलबाट ४ अंक जोडेर दोस्रो स्थानमा उक्लेको छ ।

उता सिजनको दोस्रो बराबरी खेलेको फ्रेण्ड्सले ३ खेलबाट २ अंक जोडेको छ ।

तस्वीरहरु: विकास श्रेष्ठ

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?