४ पुस, काठमाडौं। बंगलादेशको ढाकामा आयोजना हुने एसियन सेन्ट्रल जोन भलिबल च्याम्पियनसीप कपको खेल तालिका सार्वजनिक भएको छ ।
सेन्ट्रल जोनमा यस पटक महिला र पुरुषको प्रतियोगीता एकैपटक हुनेछ।
सार्वजनिक खेलतालिका अनुसार नेपालको महिला टिमले पहिलो खेल डिसेम्बर २३ मा श्रीलंकासँग खेल्नेछ।
यस्तै पुरुष टिमले पहिलो खेल सोही दिन उज्वेकिस्तानसंग खेल्नेछ। महिलातर्फ ६ र पुरुषतर्फ ५ टिमले प्रतिस्पर्धा गर्ने प्रतियोगीता राउण्ड रोविनका आधारमा खेलाइनेछ।
महिलातर्फ आयोजक बंगलादेशसहित नेपाल, श्रीलंका, माल्दिभ्स, उज्वेकिस्तान र कीर्गिस्तानले प्रतिस्पर्धा गर्नेछन् भने पुरुषतर्फ बंगलादेश, नेपाल, माल्दिभ्स, श्रीलंका र उज्वेकिस्तानले प्रतिस्पर्धा गर्नेछन्।
राउण्ड रोविन लिगपछि शीर्ष दुई स्थानमा रहेका दुई टोलीबीच फाइनल खेल हुनेछ । यस्तै लिगमा तेस्रो र चौथो हुने टिमबीच तेस्रो स्थानका लागि खेल हुनेछ ।
प्रतिक्रिया 4