१८ पुस, काठमाडौं। फ्रेन्च लिग वान क्लब मोनाकोले मुख्य प्रशिक्षक निको कोभाकलाई बर्खास्त गरेको छ । मोनाकोले शनिवार विज्ञप्ती जारी गर्दै कोभाकलाई जिम्मेवारीबाट हटाएको जनाएको छ ।
‘एएस मोनाकोले निको कोभाकसँग सम्बन्ध टुङ्गाउने निर्णय गरेको छ । क्रोएसियाली प्रशिक्षकलाई बिहीबार प्रारम्भिक बैठकमा जानकारी गराइएको थियो ।’ मोनाकोले जारी गरेको विज्ञप्तीमा उल्लेख छ ।
मोनाकोले करिब १८ महिनापछि कोभाकलाई बर्खास्त गरेको हो । जर्मन क्लब बायर्न म्युनिखका प्रशिक्षक समेत रहेका कोभाक २०२० को जुलाईमा मोनाकोका प्रशिक्षक बनेका थिए ।
यस सिजन लिगमा राम्रो प्रदर्शन गर्न नसकेको मोनाकोले कोभाकलाई बर्खास्त गरेको हो ।
मोनाको यस सिजन लिगमा २९ अंकसिहतर छैटौं स्थानमा छ ।
कोभाक बर्खास्तमा परेपछि मोनाकोले चाँडै नयाँ मुख्य प्रशिक्षक नियुक्त गर्ने र तत्कालका लागि रिजर्भ टिमका प्रशिक्षक स्टेफान नाडोले मुख्य टिम हेर्ने जनाएको छ ।
प्रतिक्रिया 4