जंगली हात्तीको आक्रमणबाट एकजनाको मृत्यु

१२ माघ, झापा । झापाको दमक नगरपालिका-३ रनधौज चोकस्थित हुम्सेदुम्से सामुदायिक वनबाट आएको हात्तिको आक्रमणमा परी एकजनाको ज्यान गएको छ ।

सोमबारराति सामुदायिक वनबाट निस्केको हात्तिको आक्रमणमा परी दमक नगरपालिका-३ का ६३ वर्षीय गणेशप्रसाद अधिकारीको मृत्यु भएको जिल्ला प्रहरी कार्यालय झापाका प्रहरी नायव उपरीक्षक बसन्त पाठकले जानकारी दिए ।

प्रहरी नायव उपरीक्षक पाठकका अनुसार कुलोमा पानी लगाउन जाने क्रममा अचानक आक्रमण गर्दा घटनास्थलमा नै उनको मृत्यु भएको हो ।