एमसीसीबारे छलफल गर्न माओवादी संसदीय दलको बैठक सुरु

४ फागुन, काठमाडौं । नेकपा (माओवादी केन्द्र) संसदीय दलको बैठक सुरु भएको छ । सिंहदरबारस्थित संसदीय दलको कार्यालयमा बैठक जारी छ ।

आजको संसद बैठकमा माओवादी केन्द्रका सांसदहरुले खेल्ने भूमिकाबारे बैठकमा छलफल हुनेछ । खासगरी एमसीसी नेपाल कम्प्याक्टबारे छलफल हुने नेताहरूले बताएका छन् ।

आज दिउँसो एक बजे प्रतिनिधि सभाको बैठक बस्दै छ । बैठकमा एमसीसी टेबुल गर्ने तयारी छ ।

एमसीसीविरुद्धको जनमतका कारण माओवादी नेतृत्वलाई भने एमसीसी संसदबाट पास नगर्न दबाब छ । माओवादीका जनवर्गीय संगठनहरुले एमसीसीको विरोधमा सडकमा प्रदर्शन गर्दै आएका छन् ।