+
+

१८ फागुनदेखि इन्डिगो एयरले काठमाडौं–मुम्बई उडान गर्ने

अनलाइनखबर अनलाइनखबर
२०७८ फागुन ९ गते १५:५५

९ फागुन, काठमाडौं । भारतको मुम्बई शहरबाट काठमाडौंका लागि सिधा हवाई सम्पर्क पुनः सञ्चालन हुने भएको छ ।

कोरोना भाइरस (कोभिड–१९) को महामारीपछि यो रुटमा जहाज उडेको छैन । भारतको निजी वायुसेवा कम्पनी इन्डिगो एयरले १८ फागुन (२ मार्च)देखि मुम्बईबाट काठमाडौं उडान गर्ने गरी मिति तोकेको हो । कम्पनीले सातामा तीन उडान यस रुटमा गर्ने भएको छ ।

इन्डिगोले आइतबार, बुधबार र शुक्रबार यस रुटमा उडान गर्ने भएको छ । यो कम्पनीले यसअघि १६ फेब्रुअरीदेखि दिल्ली–काठमाडौं रुटमा उडान थालिसकेको छ । यस रुटमा दैनिक एक उडान भइरहेको छ ।

काठमाडौं–मुम्बई रुटमा यसअघि नेपाल एयरलाइन्सले नियमित उडान गरिरहेको थियो । नेवानिले भने कोरोना महामारीपछि यस रुटलाई पुनः सुचारु गर्न सकेको छैन ।

हेर्नुहोस् उडान तालिकाः

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?