+
+

इन्स्टाग्रामको साटो रोजग्राम ल्याउँदै रुस

अनलाइनखबर अनलाइनखबर
२०७८ चैत १३ गते १३:०८

युक्रेनमाथि रुसले गरिरहेको आक्रमणका बीच सोसल मिडिया प्लाटर्फम फेसबुकलगायतको मातृ कम्पनी मेटाले रुसमाथि कडा नीति अख्तियार गरेसँगै रुसले फेसबुक तथा इन्स्टाग्रामसमेतलाई रुसमा प्रतिबन्ध लगायो । दुई हप्ता अगाडि देखि रुसमा इन्स्टाग्राम प्रतिबन्धित छ ।

८ करोड प्रयोगकर्ता रहेको फोटो शेयरिङ एप इन्स्टाग्राममाथि प्रतिबन्ध लगाएसँगै रुसले नयाँ विकल्प खोजेको छ । रुसमा इन्स्टाग्रामको विकल्पमा उस्तै सोसल मिडिया एप रोजग्राम तयार हुँदैछ ।

रुसी फोटो शेयरिङ एप रोजग्रामको नाम मात्र इन्स्टाग्रामसँग मिल्ने होइन कि यसको डिजाइन र लेआउट पनि इन्स्टाग्रामको जस्तै रहेको बताइएको छ ।

रुसी एप डेभलपर्सका अनुसार रोजग्राम एप सोमबार अर्थात् मार्च २८ देखि डाउनलोड गर्न सकिनेछ । रोजग्राममा इन्स्टाग्राममा नभएका केही नयाँ फिचर पनि हुनेछन् जसमा क्राउड फन्डिङ तथा कतिपय सामाग्रीहरू हेर्न शुल्क तिर्नुपर्ने लगायतका छन् ।

रोजग्रामको जनसम्पर्क विभागका निर्देक अलेक्जेन्डर सोबोभ भन्छन्-मेरा साझेदार किरिल फिलिनोभ तथा हाम्रो डेपलपर्स समूहले सबै तयारी पूरा गरेका छौं । इन्स्टाग्राम सबैले मन पराएको हुनाले यसको रुसी संस्करण तयार पार्ने निर्णय गरेका हौं ।

डिजाइन र काममा पनि यो इन्स्टाग्रामकै कपी रहेको उनी बताउँछन् ।

इन्स्टाग्रामको नक्कल गरेर उस्तै रुसी एप तयार गरिएको विषयमा इन्स्टग्राम र यसको मातृ कम्पनी मेटाले भने कुनै प्रतिक्रिया जनाएको छैन ।

रुसको सरकारी सञ्चार नियामक निकाय रोसकोमनेजरले गत मार्च १४ मा रुसमा इन्स्टाग्राममाथि प्रतिबन्ध लगाएको थियो ।

मेटाले फेसबुक तथा इन्स्टाग्राम प्लाटर्फमममा ‘रुसी आक्रमणकारीलाई मृत्यु देऊ’ भन्ने जस्ता पोस्टहरू राख्न छुट दिएसँगै रुसले फेसबुक र इन्स्टाग्रामलाई प्रतिबन्धित गरेको हो ।

मेटाका अनुसार यस्तो छुट केवल युक्रेनी प्रयोगकर्ताका लागि मात्र लागू गरिएको हो ।

एजेन्सी

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?