+
+

मेटाभर्समा अब चुम्बन गर्न सकिने, हेडसेटले दिलाउनेछ पार्टनरको महसुस

अनलाइनखबर अनलाइनखबर
२०७९ वैशाख १९ गते १२:१३

फेसबुकका सीईओ मार्क जुकरबर्गले जब मेटाभर्सको घोषणासँगै फेसबुक कम्पनीको नामसमेत परिवर्तन गरी मेटा राखे सुरुमा त मेटाभर्स भनेको कुन दुनियाँ हो कसैलाई थाहा थिएन । तर अहिले चाहिं मेटाभर्समा बिहे भैरहेका छन्, मानिसहरु जग्गाजमिन खरिद बिक्री गरिरहेका छन् र म्युजिक कन्सर्ट पनि हुन थालेका छन् ।

भर्चुअल रियालिटीको संसार अर्थात् मेटाभर्स यत्तिमा मात्र सीमित हुने चिज होइन । यसबारेमा एक नयाँ अपडेट आएको छ । अब मेटाभर्समा एक नयाँ प्रविधिको सहयोगमा मानिसहरूले आफ्नो पार्टनरलाई चुम्बन गर्न तथा पार्टनरलाई महसुस गर्न सक्नेछन् ।

रिपोर्टअनुसार पार्टनरसँग टाढा हुँदासमेत मेटाभर्समा मानिसहरूले पार्टनरको ओठ महसुस गर्न सक्नेछन् र ओठमा चुम्बन गर्न सक्नेछन् ।

अल्ट्रासोनिक ट्रान्सड्युसरको माध्यमबाट भर्चुअल रियालिटी हेटसेटमा यो मेटाभर्समा यस्तो कार्य सम्भव भएको हो । नयाँ प्रविधिको माध्यमबाट भर्चुअल रियालिटी हेटसेटमा एक कम्पन हुनेछ जसबाट मानिसहरूलाई आफ्नो पार्टनरको नजिक भएको अनुभुति हुनेछ ।

यो नयाँ प्रविधिको सहयोगमा मानिसहरूले मेटाभर्समा झरनाको पानी पिउन तथा चियाको चुस्की लिन समेत सक्नेछन् । साथै मेटाभर्समा भर्चुअल रुपमा चुरोट पिउन पनि सकिने बताइएको छ ।

अमेरिकाको पेन्सिल्भेनियास्थित कार्नेगी विश्वविद्यालयका शोधकर्ताहरुले नयाँ प्रविधिसँगै नयाँ हेडसेट तयार गरेका हुन् ।

उक्त हेडसेटमा विशेष रुपमा ह्याप्टिक अर्थात् कम्पन टच दिइएको छ । यो हेप्टिक टचले ओठ, दाँत तथा जिब्रोमा सबैभन्दा राम्रो काम गर्दछ ।

एजेन्सी

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?