अखिल क्रान्तिकारीले प्रत्येक बुथमा १०० युवा परिचालन गर्ने

२० वैशाख, काठमाडौं । नेकपा माओवादी केन्द्र निकट अखिल क्रान्तिकारीले ३० वैशाखमा हुने स्थानीय तह चुनावमा प्रत्येक बुथमा एक सय युवा परिचालन गर्ने भएको छ ।

क्रान्तिकारीको हालै सम्पन्न केन्द्रीय समितिको दोस्रो पूर्ण बैठकले ‘एक बुथ एक सय क्रान्तिकारी युवा’ अभियान सञ्चालन गर्ने निर्णय गरेको हो।

स्थानीय तहको निर्वाचनमा घरदैलोमा पुगेर मतदाता शिक्षा दिने र भयरहीत वातावरणमा निर्वाचन सम्पन्न गर्न ‘बुथ सुरक्षा सहित’ उदेश्यले एक बुथ एक सय युवा परिचालन गर्ने निर्णय भएको क्रान्तिकारीका महासचिव दिपेश पुनले बताए ।

त्यस्तै बैठकले सम्बन्धित प्रदेश पालिकाहरुमा युवा परिचालनका लागि आवश्यक समन्वय गर्ने गरी ७५३ पालिकामा ‘निर्वाचन परिचालन कमान्डर’ समेत तोकेको छ।