१०० वर्षका पण्डितले मतदानपछि भने : सबैले मेरै उमेरमै मतदान गर्न पाउन्

३० वैशाख, तनहुँ । तनहुँको व्यास नगरपालिका वडा नम्बर ४ मदरसा मतदान केन्द्रमा १०० वर्षका कृष्णप्रसाद पण्डितले मतदान गरेका छन् ।

ब्यास १ गल्फुबेँसीमा बसोबास गर्दै आएका भए पनि उनको नाम वडा वडा नम्बर ४ मदरसा मतदान केन्द्रमा थियो । त्यसैले उनी बिहानै एक जना उम्मेदवारको गाडीमा चढेर मतदान केन्द्रमा पुगेका थिए ।

मतदानपछि उनले १०० वर्षको उमेरमा मतदान गर्न पाउँदा खुसी लागेको बताए । उनले भने, ‘मतदान गर्न पाएँ, यस्तो देख्न पाएँ, धेरै खुसी लागेको छ ।’

उनले सबैको दीर्घायुको कामना पनि गरे । ‘सबैको आयु मेरो जस्तै होस्’, उनले भने, ‘सबैले मेरो उमेरमा मतदान गर्न पाउन् ।’

मतदानपछि कृष्णप्रसाद पण्डित :