+
+

एन्फा अध्यक्षमा राजीव पौड्यालको पनि उम्मेदवारी

अनलाइनखबर अनलाइनखबर
२०७९ जेठ ९ गते १६:५७

९ जेठ काठमाडौं । अखिल नेपाल फुटबल संघ (एन्फा)को आसन्न निर्वाचनका लागि राजीव राज पौड्यालले पनि उम्मेदवारी घोषणा गरेका छन् ।

ए डिभिजन क्लब फ्रेण्ड्स क्लबका पूर्व अध्यक्ष रहेका राजीवले सोमबार पत्रकार सम्मेलन गरी सुशासनका लागि आफ्नो उम्मेदवारी रहेको प्रष्ट पारे । उनले मंगलबार मनाेनयन दर्ता गर्नेछन् ।

यसअघि नै एन्फाका वर्तमान अध्यक्ष कर्मा छिरिङ शेर्पा र वरिष्ठ उपाध्यक्ष पंकज नेम्वाङले अध्यक्ष पदमा मनोनयन दर्ता गराइसकेका छन् ।

कर्मा छिरिङले सोमबार दिउँसो प्यानलसहित उम्मेदवारी घोषणा गर्दै दिउँसो मनोनयन दर्ता गरेका हुन् भने नेम्वाङले शुक्रबार दर्ता गरेका हुन् ।

राजीव पौड्यालले उम्मेदवारी घोषणा गर्दै एन्फामा लामो समयदेखि उस्तै काम भइरहेको र मुख्य कुरा सुशासन हुनुपर्ने बताए ।

उनले सुशासन, ग्रासरुट, युवा तथा महिला फुटबल, खेल पूर्वाधार र क्षमता निर्माण, प्रतियोगिता र राष्ट्रिय टिम तथा स्टेकहोल्डर गरी पाँच मुख्य प्राथमिकता रहेको बताए ।

पौड्यनलले सन् २०२४ सम्म महिला र पुरुष फुटबल टिमलाई दक्षिण एसियाको उत्कृष्ट टोली बनाउने लक्ष्य पेश गरेका छन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?