बर्दियामा शान्तिपूर्ण प्रदर्शनमा गोली चलाएको भन्दै संसदमा सरकारको आलोचना

२४ जेठ, काठमाडौं । बर्दियामा नरभक्षी बाघबाट सुरक्षा दिन माग गर्दै प्रदर्शनमा उत्रिएका नागरिकमाथि गोली चलाएको भन्दै राष्ट्रिय सभा बैठकमा सरकार र प्रहरीको आलोचना भएको छ ।

बैठकमा राष्ट्रिय सभा सदस्य भैरवसुन्दर श्रेष्ठले शान्तिपूर्ण रुपमा प्रदर्शनमा उत्रिएका नागरिकलाई गोली चलाउनु उचित नभएको बताए ।

‘बर्दियामा नरभक्षी बाघबाट सुरक्षा दिन माग गर्दै प्रदर्शनमा उत्रिएका नागरिकलाई सरकारले त्यसको गहिराई नबुझी गोली हानेको छ,’ उनले भने, ‘राकेश चौधरी घाईते र कक्षा १२ को परीक्षा दिएर घर फर्किंदै गरेकी नविना थारु जो प्रदर्शनमै सहभागी थिइनन्, तिनलाई गोली हानेर मारिएको छ, यसको म घोर भत्र्सना गर्न चाहन्छु । सरकारको निन्दा गर्न चाहन्छु ।’

उनले घटनाको बारेमा सदनलाई सत्यतथ्य जानकारी गराउन पनि माग गरे ।

यो पनि पढ्नुहोस

बर्दिया घटनामा गृहमन्त्रीको स्पष्टीकरण : गोली हान्ने आदेश नै छैन