सुनको मूल्य तोलामा ४ सय रुपैयाँले घट्यो

८ असार, काठमाडौं । बुधबार सुन र चाँदीको मूल्य घटेको छ । नेपाल सुनचाँदी व्यवसायी महासंघका अनुसार सुनको मूल्य तोलामा ४ सय र चाँदीको मूल्य तोलामा १० रुपैयाँले घटेको छ ।

आजका लागि छापावाल सुनको मूल्य तोलामा ९७ हजार ३ सय रुपैयाँ तोकिएको छ । तेजावी सुनको मूल्य ९६ हजार ८ सय रुपैयाँ कायम भएको छ भने चाँदीको मूल्य एक हजार २ सय ५५ रुपैयाँ तोकिएको महासंघले जनाएको छ ।

अघिल्लो २ दिन सोमबार र मंगलबार सुन र चाँदीको मूल्य स्थिर थियो । सो दिन छापावाल तथा तेजावी सुनको मूल्य क्रमशः ९७ हजार ७ सय र ९७ हजार २ सय रुपैयाँ थियो । यस्तै चाँदीको मूल्य एक हजार २६५ रुपैयाँ थियो ।