+
+

काठमाडौंमा ‘भगवान’ पनि सुरक्षित छैनन् (फोटो फिचर)

अनलाइनखबर अनलाइनखबर
२०७९ असार ११ गते १९:००
बज्रबाराही मन्दिरभित्र रहेको मूर्तिहरु ।

११ असार, काठमाडौं । देशको संघीय राजधानी काठमाडौं मन्दिरको पनि राजधानी हो । त्यसैले काठमाडौंलाई मन्दिरै मन्दिरको सहर पनि भनिन्छ ।

काठमाडौंका पाइला पाइलामा अनेकौं देवी देवताका मूर्ति भेटिन्छन् । कतै मन्दिर त कतै खुला नै छोडिएका यहाँका मूर्तिहरुको अवस्था धेरै ठाँउमा दयनीय छ, जस्तै काठमाडौं सहरको अवस्था छ ।

मन्दिरले चिनाएको काठमाडौंलाई अब फोहोरले चिनाउन थालेको छ । आज काठमाडौं उपत्यकामा रहेका मन्दिर र मूर्तिहरु फोहोर जत्तिकै छरपस्ट छन् । यहाँ फुटपाथमा पाइलाले ठोकिने भगवनका मूर्ति भेटिन्छन् ।

कतै रुख उम्रेर ढल्नै लागेेको मन्दिर, पानीले खिइएका, अविर र अक्षताको असरले प्वाल परेका मूर्ति पनि मन्दिरहरूमा छन् । तर संरक्षण भने अझै भएको छैन । लापरबाही छ । मन्दिर अनि मूर्तिको सुरक्षाका लागि डण्डीको बार मात्रै होइन यहाँ चोरीबाट बचाउन काँडेतार नै टाँगिएका भेटिन्छन् ।

मन्दिर परिसरमा कतै पुनर्निर्माणका क्रममा टहरा बनाइएको छ भने कतै डण्डी बाँधेर छोडिएको देख्न सकिन्छ ।

फोहोर अनि झारै झारको बीचमा भगवानको मूर्ति देख्नु यो सहरका लागि नौलो कुरा होइन । खुला ठाँउमा मूर्ति बेवारिसे र दयनीय अवस्था देखिन्छ ।

केही ठाउँमा भने चोरीबाट बचाउन विभिन्न सावधानी अपनाइएको छ । यहाँ सिसिटिभी जडान गरिएको छ । चोक चोकमा साइरन राखिएका छन् । तर मूर्तिको र मन्दिरको संरक्षण गर्न भने पहलकदमी हुन सकेको छैन ।

तस्वीर सौजन्य : न्युज एजेन्सी नेपाल

बसन्तपुरको गोरखनाथको मन्दिर ।
हनुमानढोकास्थित रहेको हनुमानको मूर्ति ।
च्यासल ढुंगेधारामा विभिन्न देविदेवताको मूर्तिहरु ।
लुभुको गणेश मन्दिर ।
थापालीस्थ्ति जङ्ग हिरण्य हेम नारायण मन्दिर परिसरमा बनाइएका अव्यवस्थित टहरा ।
कुम्मेश्वर मन्दिर परिसरमा गरुड र नारायणकोे मूर्ति ।
पाटनको मच्छिन्द्र बहाल परिसरमा धर्मकिर्ति महाविहार ।
पाटनको कुटी सौगल पुखुमा महादेवको मूर्ति ।
पाटनको खपिञ्चे सडकमै रहेका मूर्तिहरु ।
पाटन सुन्धारामा पानीले खिइएको मूर्ति ।
लुभुको गणेश मन्दिर ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?