प्रदेश १ का खेलाडी सम्मानित

२० असार, विराटनगर । प्रदेशबाट अन्र्तराष्ट्रिय प्रतियोगिता सहभागी खेलाडीलाई प्रदेश १ सरकारले सम्मान गरेको छ ।

प्रदेश १ खेलकुद विकास बोर्डले विभिन्न मितिमा प्रदेश १ बाट ओलम्पिक, एशियाली खेलकुद र दक्षिण एशियाली खेलकुदमा सहभागिता जनाएका १८७ जना खेलाडीलाई सम्मान गरेको हो ।

विभिन्न समयमा प्रदेश १ बाट ओलम्पिक खेलमा सहभागी ९ जना, एशियन खेलकुदमा सहभागी ३७ र दक्षिण एशियाली खेलकुदमा सहभागी १४१ जना खेलाडीलाई सम्मान गरेको बोर्डका सदस्य सचिव हंशराज वाग्लेले बताए ।

प्रदेश १ का मुख्यमन्त्री राजेन्द्रकुमार राई, समाजिक विकासमन्त्री राजन राईले सम्मान गरेका हुन् ।