प्रहरीले पिछा गर्दै जाँदा चालक भागे, बरामद भयो गाँजा

९ साउन, जनकपुरधाम । सर्लाही प्रहरीले शंका लागेको आधारमा पिछा गर्दै जाँदा पिकअप गाडीबाट लागूऔषध गाँजा बरामद गरेको छ । प्रहरीले पिछा गरेको देखेपछि चालक भागेका छन् ।

लालबन्दी नगरपालिका १६ मा प्रहरी गस्ती टोलीले बा ६ च ८६६६ नम्बरको पिकअप गाडीलाई शंकास्पद अवस्थामा रानीगञ्जतर्फ जाँदै गरेको अवस्थामा देखेपछि पिछा गरेको थियो ।

प्रहरीले पिछा गरेको देखेपछि मिलन चोकस्थित जंगल नजिकै गाडी छाडेर चालक भागेको सर्लाही प्रहरीका प्रवक्ता एवं डीएसपी विजय यादवले जानकारी दिए ।

उनका अनुसार गाडी जाँज गर्दा पछाडी भागमा फल्स बटनमा लुकाई राखेको ४५ किलो गाँजा बरामद भएको छ । ५ वटा पोका बनाएर राखिएको अवस्थामा गाँजा बराद भएको भन्दै उनले फरार भएका चालकको खोजी तथा अन्य अनुसन्धान भइरहेको बताएका छन् ।