+
+

नेपाल टी-२० लिग खेल्ने थप दुई टिम घोषणा

अनलाइनखबर अनलाइनखबर
२०७९ भदौ २३ गते १४:४२

२३ भदौ, काठमाडौं । नेपाल टी-२० लिगमा प्रतिस्पर्धा गर्ने बाँकी दुई टिमको घोषणा भएको छ ।

नेपाल क्रिकेट संघ क्यानले बिहीबार कार्यकम गर्दै थप दुई फ्रेन्चाईज टिम घोषणा गरेको हो । दुई नयाँ टिममा पोखरा एभेन्जर्स र फारवेस्टर्न युनाईटेड छन् ।

पोखरा एभेन्जर्सको मालिक लुम्बिनी हेल्थकेयरका सञ्चालक हुन् । पोखराका मालिक पोषराज ज्ञवालीले स्वास्थ्य क्षेत्रबाट खेलकुदमा पनि लागौं भनेर नेपाल टी-२० लिगमा लगानी गरेको बताए ।

फारवेस्टर्न युनाईटेडको मालिक भने बेलायतको एसआर स्पोर्टस एण्ड मिडिया भेन्चर हो ।

क्यानले विराटनगर सुपर किंग्स, जनकपुर रोयल्स, लुम्बिनी अल स्टार्स र कान्तिपुर क्यापिटल्सलाई यसअघि नै घोषणा गरेको थियो ।

कार्यक्रममा क्यानका सचिव प्रशान्त विक्रम मल्लले भारतबाट समावेश हुने भनिएको एउटा टिमलाई टेक्निकल कारणले गर्दा हटाएर त्यसको सट्टामा फारवेस्टर्स टिम राखेको बताए ।

पहिलो संस्करणको नेपाल टी-२० लिग असोज ८ गतेदेखि सुरु हुने छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?