दोलखाको अमर मावि केन्द्रमा हवाई फायर

४ मंसिर, काठमाडौं । दोलखाको तामाकोसी गाउँपालिका वडा नं. २ स्थित अमर मावि भतरेचौर मतदान केन्द्रमा प्रहरीले हवाई फायर गरेको छ । उक्त घटनापछि मतदान स्थगित भएको छ ।

एकैचौटी धेरै मतदाता मतदान स्थलभित्र छिर्न खोजेपछि स्थिति नियन्त्रणमा लिन प्रहरीले हवाई फायर गरेको हो । उक्त भिडले प्रहरीमाथि नै आक्रमण गर्न खोजेपछि पेस्तोलबाट एक राउण्ड हवाई फायर गर्नु परेको प्रहरीले जनाएको छ ।

सो मतदान स्थलमा प्रहरी नायव निरीक्षक (सई) को नेतृत्वमा ७ जनाको टोली खटिएको थियो । उक्त घटनापछि तामाकोसी गाउापालिकाबाट प्रहरी निरीक्षकको नेतृत्वमा थप १० जनाको टोली झिकाइएको छ।