रुपन्देहीबाट प्रदेशसभामा एमालेका लिला गिरी विजयी

८ मंसिर, बुटवल । रुपन्देही क्षेत्र नम्बर २ प्रदेशसभा (१) मा नेकपा एमालेका लिला गिरी निर्वाचित भएका छन् ।

गिरीले १७ हजार ६३२ मत प्राप्त गरेर विजयी हुँदा सत्ता गठबन्धनबाट उम्मेदवार बनेका नेपाली कांग्रेसका दीर्घबहादुर केसीले १४ हजार ९९८ मत प्राप्त गरेका छन् ।

यो क्षेत्रमा ४१ हजार ७३ मत खसेको थियो । प्रदेशसभा सदस्यमा निर्वाचित गिरी नेकपा एमालेभित्र लुम्बिनी प्रदेशको मुख्यमन्त्रीका दावेदार हुन् । उनी शंकर पोखरेल नेतृत्वको सरकारमा उद्योग, वन तथा पर्यटन मन्त्री थिए ।