+
+

मस्कोबाट गोवा आउँदै गरेको विमानमा बमको हल्ला, गुजरातमा आकस्मिक अवतरण

अनलाइनखबर अनलाइनखबर
२०७९ पुष २६ गते ८:०३

२६ पुस, काठमाडौं । रुसको राजधानी मस्कोबाट भारतको गोवा आउँदै गरेको एक चार्टर्ड विमानमा बम रहेको सूचना पाएपछि आकस्मिक अवतरण गराइएको छ । मस्कोबाट आएको अजूर एयरको विमानलाई सोमबार राति गुजरातको जामनगरमा आकस्मिक अवतरण गराइएको हो ।

समाचार एजेन्सी पीटीआईका अनुसारमा विमान २३६ यात्रु र चालक दलका ८ सदस्य थिए । गोवाको डेबोलिम एयरपोर्टमा अवतरण गर्नुपर्ने उक्त विमानलाई जामनगरस्थित भारतीय वायु सेनाको एयरपोर्टमा अवतरण गराइएको थियो ।

सबै यात्रुहरुलाई सुरक्षित रुपमा बाहिर निकालेपछि प्रहरी र बम डिस्पोजल टोलीले विमानको जाँच गरिरहेका समाचार एजेन्सी एएनआईले जनाएको छ ।

भारतीय अधिकारीहरुले उक्त विमानमा बम रहेको धम्की आएको जानकारी नयाँदिल्लीमा रहेको रुसी दूतावासमा गराएका थिए । विमानमा बमको हल्लापछि भारतका विमानस्थलहरुमा सुरक्षा सतर्कता बढाइएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?