+
+

उद्घाटन गरिदेऊ भन्छन्, नाइँ भन्नै अप्ठेरो : प्रचण्ड

अनलाइनखबर अनलाइनखबर
२०७९ पुष ३० गते १८:१४

३० पुस, काठमाडौं । प्रधानमन्त्री पुष्पकमल दाहाल प्रचण्डले उद्घाटन र शिलान्यासको कार्यक्रममा जानुपर्ने आफ्नो बाध्यता रहेको बताएका छन् ।

शनिबार केही सम्पादकहरुसँगको छलफलमा उनले उद्घाटन र शिलान्यासमा जाँदा समय धेरै जाने भए पनि धेरै जिद्दी आउने गरेको सुनाए ।

उद्घाटन शिलान्यास गर्नैपर्छ र भन्ने प्रश्नको जवाफमा प्रधानमन्त्री प्रचण्डले आफू जाँदिन भनेर सोचे पनि कतिपय कार्यक्रममा जानैपर्ने बाध्यता रहेको बताएका हुन् ।

‘वास्तवमा उद्घाटन शिलान्यासमा समय बिताउनुभन्दा यहीँ बसेर खुरुखुरु काम गरौं भन्ने त मलाई पनि लागेकै हो, तर जात्तिविधि नै कर गर्छन्, अब गर्ने के ?’ उनले प्रश्न सोधे । अनि आफैं उत्तर दिए, ‘बरु कतिपय उद्घाटन चैं राति गरौं कि ? समय पनि बचत हुने । बिहान र दिउँसोको समय काम गर्न पाइने ।’

बालुवाटारमा आएर उद्घाटनको निम्तो दिएपछि नाइँ भन्न अप्ठेरो भएको उनको भनाइ छ । प्रधानमन्त्री प्रचण्डले दिनमा एक पटक कुनै पनि हालतमा सिंहदरबार पुग्ने पनि बताए । यसअघिका प्रधानमन्त्री केपी शर्मा ओली र शेरबहादुर देउवाले सिंहदरबारस्थित प्रधानमन्त्री तथा मन्त्रिपरिषद कार्यालयमा नै नजाने र निवासमै धेरै समय बिताउने गरेको भन्दै आलोचना हुँदै आएको छ ।

तर प्रधानमन्त्री प्रचण्डले भने, ‘दिनमा म एकचोटी सिंहदरबार कुनै हालतमा जान्छु, त्यसले धेरै फरक पर्दो रहेछ ।’ उनले आफूले भन्नुपर्ने धेरै कुरा सरकारको न्यूनतम साझा कार्यक्रममा नै भनेको र अब काम गर्ने बताए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?