+
+

वीरगञ्जको सडकबाट एक युवकको उद्धार

अनलाइनखबर अनलाइनखबर
२०७९ फागुन ८ गते १७:४९

८ फागनु, वीरगञ्ज । मानव सेवा आश्रम वीरगञ्ज शाखाको टोलीले वीरगञ्जबाट एक युवकको उद्धार गरेको छ ।

वीरगञ्जको मुर्ली चोकस्थित पाण्डे मेडिकल नजिकैबाट आइतबार राति भारत उत्तर प्रदेश देवररिया जिल्ला नारायणपुरका ३५ वर्षीय पुरुषको उद्धार गरिएको मानव सेवा आश्रम वीरगञ्ज शाखाले जनाएको छ ।

नालाको छेउमा अत्यन्तै कष्टपूर्ण तरिकाले सुतिरहेका मानसिक अवस्था कमजोर भएका पुरुष व्यक्तिलाई उद्धार गरेर वीरगञ्ज– २५ सिर्सिया स्थित शाखामा ल्याएर राखेको आश्रमका मधेश प्रदेश शाखा संयोजक देवेश गुप्ताले जानकारी दिए ।

‘उहाँलाई तीन चारदिनदेखि खोजिरहेका थियौं । नाला छेउमा च्यादर ओढेर सुतिरहेको अवस्थामा भेटिनुभयो’, उनले भने ‘उद्धार गरेर आश्रममा ल्यायौं, सरसफाइ गरेपछि उहाँको रुप नै परिवर्तन भएको छ ।’

आश्रमका अभिभावक एवं सामाजिक अभियन्ता प्रकाश थारुले उनको घर खोज्न सहयोग गरिदिन आग्रह गरे । ‘स्थानीयले पटक पटक फोन गरेर उहाँको बारेमा बताउँथे, तर जाँदा भेटिने होइन ।

त्यतिकै घुमिरहन्थे’ उनले भने, ‘भ्यालेन्टाइन डेको दिन रात्री गस्ती गर्दा पनि उहाँलाई खोजेका थियौं । बल्ल तल्ल गएराति भेटिनुभएको छ । घर परिवार खोज्न सबैको सहयोगको आवश्यकता छ ।’

 

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?