नबिल बैंकले जनकपुरको मानव सेवा आश्रमलाई दियो अटो

News Summary

Generated by OK AI. Editorially reviewed.

नबिल बैंकले धनुषाको जनकपुरस्थित मानवसेवा आश्रमलाई सेवा बाहन हस्तान्तरण गरेको छ।
बैंकका प्रमुख कार्यकारी अधिकृत मनोज ज्ञवालीले आश्रमका अध्यक्ष रामजी अधिकारीलाई सेवा बाहन हस्तान्तरण गरेका छन्।
आश्रमका अभिभावक पवन सिंघानियाले बैंकबाट प्राप्त सेवा बाहनले दैनिक कार्य गर्न सहज हुनेमा विश्वास व्यक्त गरेका छन्।

६ चैत, काठमाडौं । नबिल बैंकले धनुषाको जनकपुरस्थित मानवसेवा आश्रमलाई सेवा बाहन अटो हस्तान्तरण गरेको छ ।

शुक्रबार आयोजित एक कार्यक्रममा बैंकका प्रमुख कार्यकारी अधिकृत (सीईओ) मनोज ज्ञवालीले उक्त बाहन आश्रमका अध्यक्ष रामजी अधिकारीलाई हस्तान्तरण गरे । बैंकले संस्थागत सामाजिक उत्तरदायित्वअन्तर्गत आश्रमलाई सेवा बाहन हस्तान्तरण गरेको जनाएको छ ।

कार्यक्रममा आश्रमका अभिभावक पवन सिंघानियाले दैनिक कार्य गर्न कठिनाइ भइरहेको अवस्थामा बैंकबाट प्राप्त बाहनले थप सहज हुनेमा विश्वास व्यक्त गरे ।

बैंकका सीईओ ज्ञवालीले सडक आश्रित मानवहरुको उचित व्यस्थापनका लागि आश्रमले गरेको कार्य सराहनीय भएको बताए । उनले मानव जातिका सेवा र हितसँग जोडिएका हरेक काम गर्न नबिल बैंक सधैं तयार रहेको उल्लेख गरे ।

आश्रमका प्रमुख संस्थापक अधिकारीले सेवा बाहन को अभावमा जनकपुरमा रहेको आश्रममा दैनिक कार्य गर्न तथा लक्षित मानवहरुलाई सेवा दिन कठिन भइरहेको अनुभव सुनाए । यस्तो अवस्थामा नबिल बैंकद्वारा सहयोगस्वरुप प्राप्त सेवा बाहनबाट उक्त सेवालाई सहज र शीघ्र बनाउन सहयोग पुग्ने उनले बताए ।