नेफ्टामा नयाँ कार्यसमिति चयन, यी हुन् नवनिर्वाचित पदाधिकारी र सदस्य

काठमाडौं । पुष्कर लामाको नेतृत्वमा चलचित्र प्राविधिक संघ (नेफ्टा)को नयाँ कार्यसमिति निर्वाचित भएको छ । बिहीबार काठमाडौंमा सम्पन्न संस्थाको बीसौं साधारणसभामा अध्यक्ष, महासचिव र कोषाध्यक्ष निर्विरोध निर्वाचित भए भने अन्य पदका लागि निर्वाचन भयो । चुनावपछि अधिकांश नयाँ अनुहार नेफ्टाको कार्यसमितिमा भित्रिएका छन् ।

उपाध्यक्षमा दुर्गाप्रसाद पौडेल र अर्जुनप्रसाद पोखरेल निर्वाचित भए । सचिवमा श्यामकुमार बरालले जित हासिल गरे । सदस्यहरुमा नमराज उप्रेती, लालसिंह थोकर, विनोद सुवेदी, गोपाल राय, विजय बस्याल, ईश्वर घिमिरे, रीतु राना, मनोज जोशी, अजय रेग्मी, नारायण गुरुङ र विष्णुप्रसाद घिमिरे निर्वाचित भएका छन् ।

अध्यक्ष लामा लगातार तेस्रो कार्यकालका लागि संस्थाको नेतृत्वमा निर्वाचित भएका हुन् । यसपटक उनी सर्वसम्मत अध्यक्षमा निर्वाचित भए । संघीय मामिला तथा सामान्य प्रशासनमन्त्री अमनलाल मोदीले महाधिवेशन शुभारम्भ गरेका थिए । नेफ्टा नेपाली चलचित्र प्राविधिकहरुको छाता संस्था हो ।