१९ चैत, काठमाडौं । अर्थमन्त्री डा. प्रकाशशरण महतले आर्थिक विकासका लागि सबैको साथ आवश्यक रहेको बताएका छन् । खस्कँदो अर्थतन्त्रलाई उकास्न सम्वद्ध सरोकारवाला सबैसँग मिलेर अगाडि बढ्ने उनको प्रतिवद्धता छ ।
नेपाल सुनचाँदी व्यवसायी महासंघका अध्यक्ष माणिक रत्न शाक्यको नेतृत्वमा आइतबार नवनियुक्त अर्थमन्त्री महतलाई बधाई दिन पुगेको महासंघको प्रतिनिधिमण्डलसँगको भेटमा उनले आर्थिक विकासका लागि सरकार र निजी क्षेत्र मिलेर अगाडि बढुनुपर्ने खाँचो औल्याए ।
सो अवसरमा मन्त्री महतले आर्थिक विकास र परिवर्तनका लागि राम्रा योजना र सुझाव दिन समेत आग्रह गरे । आफूले अर्थतन्त्र नजिकबाट नियालिरहेको र सबै मिलेर अगाडि बढ्दा तीब्र आर्थिक विकास गर्न कठिन नहुने बताए ।
मन्त्री महतसँगको भेटका क्रममा महासंघका तर्फबाट आर्थिक विकासमा सुनचाँदी व्यवसायीको भूमिकालगायत विषयमा जानकारी गराइएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4