विश्व वातावरण दिवसमा ग्लोबल आईएमई बैंकद्वारा सातै प्रदेशमा वृक्षारोपण 

काठमाडौं । विश्व वातावरण दिवसको अवसरमा ग्लोबल आईएमई बैंकले सातवटै प्रदेशमा वृक्षारोपण कार्यक्रम सञ्चालन गरेको छ ।

“एक कर्मचारी, एक विरुवा रोपण” अभियानअन्तर्गत सातवटै प्रदेशमा विभिन्न प्रजातिक उन्नत बोट/बिरुवाहरु रोपेर विश्व वातावरण दिवस मनाएको बैंकले जनाएको छ ।

बैकले मोरङको विराटनगर एयरपोर्ट रोड, सिराहाको मिर्चैया, काठमाडौंको टोखा स्थित लाखे डाँडा, कास्कीको पोखरा रङ्‍गशाला परिसर, रूपन्देहीको तिलोत्तमा सामुदायिक पार्क र सुर्खेतको विरेन्द्रनगर चौहान पार्कमा वृक्षारोपण कार्यक्रमको आयोजना गरेको हो ।

बैंकले आयोजना गरेको वृक्षारोपण कार्यक्रममा बैंकका कर्मचारीहरु, स्थानीय नागरिक लगायत विभिन्न संघ–संस्थाका प्रतिनिधिहरूको प्रत्यक्ष सहभागिता रहेको थियो ।