२०८० जेठ २३ गते १३:३५ 
२३ जेठ, काठमाडौं । पुरुषतर्फ एलेक्स शाह र नासिर हुसेन तथा महिलातर्फ गौरिका सिंह र डुवाना लामा चीनको होङझावमा हुने १९औं एसियाली खेलकुद प्रतियोगिता एसियाडमा छनोट भएका छन् ।
आइतबार र सोमबार दुई दिनसम्म सातदोबाटोस्थित अन्तराष्ट्रिय पौडी परिसरमा भएको ११औं एनएसए कप पौडी प्रतियोगिताबाट उनीहरु एसियाडका लागि छनोट भएका नेपाल पौडीका संघका अध्यक्ष अशोक बज्राचार्यले जानकारी दिए ।
यी चार खेलाडीले पेरिस ओलम्पिकको लागि जापानमा हुने छनोट प्रतियोगिता पनि खेल्ने उनले बताए ।
प्रतियोगितामा उत्कृष्ट अंक ल्याउने २-२ जना खेलाडीलाई एसियाडका लागि छनोट गरिएको उनले बताए ।
प्रतिक्रिया 4