२०८२ असार १७ गते ६:४७ 
News Summary
Generated by OK AI. Editorially reviewed.- फ्लुमिनेस एफसीले इन्टर मिलानलाई २-० ले पराजित गरी फिफा क्लब विश्वकपको क्वाटरफाइनलमा प्रवेश गर्यो।
- खेलमा जर्मन कानो र हर्कुलसले गोल गरे, जसले फ्लुमिनेसलाई विजयी बनायो।
- अर्को खेलमा म्यान्चेस्टर सिटी र अल हिलाल खेल्नेछन्, जसको विजेतासँग फ्लुमिनेस खेल्नेछ।
१७ असार, काठमाडौं । इटालियन क्लब इन्टर मिलानलाई हराउँदै ब्राजिलको फ्लुमिनेस एफसी फिफा क्लब विश्वकप फुटबलको क्वाटरफाइनलमा प्रवेश गरेको छ ।
गएराति भएको अन्तिम १६ को खेलमा फ्लुमिनेस २-० ले विजयी भयो । योसँगै इन्टरको यात्रा अन्तिम १६ बाटै टुंगिएको हो ।
फ्लुमिनेसको जितमा जर्मन कानो र हर्कुलसले १-१ गोल गरे । खेलको तेस्रो मिनेटमा नै कानोले गोल गर्दै फ्लुमिनेसलाई अग्रता दिलाएका थिए ।
अर्को गोल भने खेल सकिनै लाग्दा भएको थियो । इन्जुरी समयको तेस्रो मिनेटमा हर्कुलसले गोल गरेपछि फ्लुमिनेस २-० ले विजयी हुँदै अघि बढ्यो ।
अब मंगलबार विहान अर्को खेलमा इंग्लिस क्लब म्यान्चेस्टर सिटी र साउदी क्लब अल हिलाल खेल्ने छन् । उक्त खेलको विजेतासँग फ्लुमिनेसले खेल्नेछ ।
यसअघि बायर्न म्युनिख, पीएसजी, चेल्सी र पाल्मेइरास क्वाटरफाइनलमा पुगिसकेका छन् ।
प्रतिक्रिया 4