२० असार, काठमाडौं । ब्राजिलियन फरवार्ड रोबर्टो फिर्मिनो साउदी प्रो लिग क्लब अल-अहलीमा अनुबन्ध भएका छन् ।
प्रिमियर लिग क्लब लिभरपुल छाडेका फिर्मिनो पनि अन्य खेलाडीलाई पछ्याउँदै साउदी लिग खेल्ने सूचीमा थपिएका छन् ।
३१ वर्षीय फिर्मिनोले अल-अहलीसँग तीन वर्षको सम्झौता गरेका छन् । गतसिजनको अन्त्यमा लिभरपुलसँगको सम्झौता सकिएपछि फिर्मिनो फ्रि एजेन्टको रुपमा थिए ।
सन् २०१५ मा जर्मन क्लब होफेनहेइमबाट लिभरपुल पुगेका फिर्मिनोले इंग्ल्याण्डमा ३६२ खेलमा १११ गोल गरेका छन् ।
अल-अहलीले यसअघि सेनेगलका गोलकिपर एडुअर्ड मेन्डीलाई चेल्सीबाट अनुबन्ध गरेको थियो ।
चेल्सीका एन गोलो कान्टे र कालिडोउ काउलीबेली पनि क्लब छाडेर साउदी क्लबमा पुगिसकेका छन् ।
फिर्मिनोसँगै नेबी केइटा, एलेक्स च्याम्बरलेन र जेम्स मिल्नरले फ्रि एजेन्टको रुपमा एनफिल्ड छाडेका थिए ।
लिभरपुलमा रहँदा फिर्मिनो, मोहम्मद सालाह र साडियो मानेको ट्रिओ खुबै जमेको थियो ।
Results
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg)
%20-%20Copy.jpg)
प्रतिक्रिया 4