क्रोएसिया पठाइदिन्छु भन्‍दै रकम ठगेको आरोपमा नखीपोटबाट एकजना पक्राउ

१० साउन,  काठमाडौं ।  क्रोएसिया पठाइदिन्छु भन्‍दै रकम ठगी गरेको आरोपमा प्रहरीले एक जनालाई पक्राउ गरेको छ ।

पक्राउ पर्नेमा उदयपुरको ताप्ली गाउँपालिका-४ घर भई हाल ललितपुर महानगरपालिका, नखीपोट बस्‍ने  ३० वर्षीय प्रचलन राई रहेका छन् ।

उनलाई काठमाडौं उपत्यका अपराध अनुसन्धान कार्यालयको टोलीले नखीपोटबाट पक्राउ गरेको छ ।

पक्राउ परेका  उनलाई थप अनुसन्धान तथा कारबाहीका लागि वैदेशिक रोजगार विभाग ताहाचल पठाइएको प्रहरीले जनाएको छ ।

उनले पीडित समर बहादुर परियारलाई वैदेशिक रोजगारीका लागि क्रोएसिया पठाइदिन्छु भन्‍दै  पटक-पटक गरेर ६ लाख रकम लिई सम्पर्कविहीन भएको प्रहरीको आरोप छ ।